Transcription
1
Il est certain que le roy a pieça escrit à monsieur de Joyeuse
2
par une apostille de sa propre main quil se transporta
3
en la ville de Tholose pour dextrement descouvrir et
4
se prendre garde de quelque traicté que le roy Philippe
5
a dessus cette ville par la practique de quelquez citoyens
6
et y a en quelque un des siens, comme les grands seigneurs ne sont
7
pas tousiours les mieux servis qui ayant descouvert ladite
8
lettre en a fait copie et icelle publiée bien fort.
9
Je scay d’ailleurs de bonne part que l’on pretend que
10
certain personage espagnol a demeuré
11
à Tholose par quelques jours en habit deguisé practiquant
12
et estant festoyé en certaines bones maisons.
13
Quoy qu’il en soit, il importe grandement au service du
14
roy d’estre esclarcy au vray s’il en est quelque chose
15
pour y pourveoir ou de la calumie pour n’alterer ses
16
bons subiects par une deffiance car il n’y a point
17
de doubte que ceci ne soit bien fort d’une ligue.
18
La court de parlement de Tholose par le moyen spécialement
19
d’aucuns conseiller de la religion d’entre eux fait
20
ce qu’elle peut pour retirer des consentements de plusieurs églises
21
pretendues reformées affin que leur soit rendue la
22
congnoissance d’entre ceux de diverses religion en
23
quoy ils en ont d’autres opposants empeschants et
24
faisants contraires brigues et y a aucuns deputés de
25
ceste ville en court qui donent aux habitants d’icelle
26
[v°] esperance que l’on y establira une chambre pour avoir
27
ladite cognoissance.
28
29